1ያህዌ ሆይ፣ ለምድርህ ሞገስ አሳየህ የያዕቆብን ምርኮ መለስህ፡፡
2የሕዝብህን ኃጢአት ይቅር አልህ በደላቸውንም ሸፈንህ፡፡ ሴላ
3መዓትህን ሁሉ አራቅህ ከጽኑ ቁጣህም ተመለስህ፡፡
4አዳኛችን እግዚአብሔር ሆይ፣ መልሰን፤ በእኛ ያዘንህብንን ሁሉ አርቅልን፡፡
5የምትቆጣን ለዘላለም ነውን? ቁጣህንስ ከትውልድ ወደ ትውልድ ታስተላልፋለህን?
6እኛ ሕዝብህ በአንተ ደስ እንዲለን እንደ ገና በሕይወት አታኖረንምን?
7ያህዌ ሆይ፣ የኪዳን ታማኝነትህን አሳየን ማዳንህንም ስጠን፡፡
8ያህዌ አምላክ የሚናገረውን እሰማለሁ፤ እንደ ገና በስሕተት መንገድ ካልሄዱ በቀር ለሕዝቡና ለታማኞቹ ሰላምን ያደርጋል፡፡
9ክብሩ በምድራችን ይኖር ዘንድ ማዳኑ ለሚፈሩት በእርግጥ ቅርብ ነው፡፡
10ምሕረትና ታማኝነት ተገናኙ፡ ጽድቅና ሰላም ተሳሳሙ፡፡
11ታማኝነት ከምድር በቀለች ጽድቅ ከሰማይ ተመለከተች፡፡
12ያህዌ መልካም ነገር ይሰጣል ምድራችንም ፍሬዋን ትሰጣለች፡፡
13ጽድቅ በፊቱ ትሄዳለች ለአረማመዱም መንገድ ያዘጋጃል፡፡