1እግዚአብሔር ሆይ፣ ዝም አትበል አትተወን ችላ አትበል፡፡
2ጠላቶችህ እንዴት እንደ ተነሣሡ ባላንጣዎችህም እንዴት ራሳቸውን ቀና ቀና እንዳደረጉ ተመልከት፡፡
3በሕዝብህ ላይ ያደባሉ፣ አንተ በምትጠብቃቸውም ላይ ያሣራሉ፡፡
4‹የእስራኤል ስም ከእንግዲህ እንዳይታሰብ፣ ኑና ሕዝብ እንዳይሆኑ እንደምስሳቸው» አሉ፡፡
5በአንድ ሐሳብ ተስማምተው ተማከሩ አንተም ላይ ተማማሉ፡፡
6የኤዶምና የእስማኤላውያን፣ የሞዓብና የአጋራውያን ድንኳኖች፣
7ጌባል አሞንና አማሌቅ፣ ፍልስጥኤምም ከጢሮስ ሕዝብ ጋር አብረው ዶለቱ፡፡
8አሦርም ከእነርሱ ጋር ተባበረ የሎጥም ልጆች ረዳት ሆነ፡፡ ሴላ
9ምድያም ላይ እንዳደረግኸው አድርግባቸው በቂሶን ወንዝ በሲሣራና በኢያቢስ ላይ ያደረስኸው ይድረስባቸው፡፡
10እነርሱ በዐይንዶር ጠፉ እንደ ምድር ትቢያ ሆኑ፡፡
11እንደ ሔሬብና እንደ ዜብ፣ መሳፍንቶቻቸውንም እንደ ዛብሄልና እንደ ስልማና አድርጋቸው፤
12እነርሱም፣ «የእግዚአብሔርን ግጦሽ ቦታ እንውሰድ» አሉ፡፡
13አምላኬ ሆይ፣ በዐውሎ ነፋስ እንደሚወሰድ ትቢያ፣ ነፋስ ፊት እንዳለ ገለባ አድርጋቸው፡፡
14እሳት ደንን እንደሚያቃጥል ተራራውን እንደሚያዳርስ እሳት ነበልባል
15እንዲሁ በማዕበልህ አሳዳቸው በሞገድህም አስደንግጣቸው፡፡
16አምላኬ ያህዌ ሆይ፣ ስምህን ይሹ ዘንድ፣ ፊታቸውን በእፍረት ሙላ፤
17ለዘላለም ይፈሩ ይታወኩም፤ በውርደትም ይጥፉ፡፡
18ስምህ ያህዌ የሆነው አንተ ብቻ በምድር ላይ ልዑል እንደ ሆንህ ይወቁ፡፡