1የጽድቄ አምላክ ሆይ፣ በጠራሁህ ጊዜ መልስልኝ ከጭንቀቴም አሳርፈኝ ማረኝ ጸሎቴንም ስማ፡፡
2እናንተ ሰዎች እስከ መቼ ክብሬን ታወርዳላችሁ? እስከ መቼ ከንቱ ነገር ትወዳላችሁ፤ ሐሰትንስ ትፈልጋላችሁ? ሴላ
3ያህዌ ጻድቁን ለራሱ እንደ ለየ ዕወቁ፡፡ በጠራሁት ጊዜ ያህዌ ይሰማኛል፡፡
4የቱንም ያህል ብትፈሩ ኃጢአት አትሥሩ! በመኝታችሁ እያላችሁ በልባችሁ አሰላስሉ፤ ጸጥም በሉ፡፡ ሴላ
5ለያህዌ የጽድቅ መሥዋዕት አቅርቡ እምነታችሁንም እርሱ ላይ አድርጉ፡፡
6ብዙዎች፣ «መልካሙን ማን ያሳየናል?» ይላሉ፡፡ ያህዌ ሆይ፣ የፊትህን ብርሃን እኛ ላይ አብራ፡፡
7ብዙ እህልና ወይን ካገኙ ሰዎች ይበልጥ አንተ ልቤን በታላቅ ሐሤት ሞልተኸዋል፡፡
8በሰላም የምታኖረኝ አንተ ብቻ ስለሆንህ በሰላም እተኛለሁ አንቀላፋለሁም፡፡