1ព្រះជាម្ចាស់អើយ! សូមកុំនៅស្ងៀមឡើយ សូមកុំនៅព្រងើយ ហើយមិនកម្រើកដូច្នេះព្រះជាម្ចាស់។
2មើល៍ ខ្មាំងសត្រូវរបស់ព្រះអង្គកំពុងតែបានដែ និងអស់អ្នកដែលស្អប់ព្រះអង្គគេងើបក្បាលហើយ។
3ពួកគេប្រឹក្សាគ្នាបង្កើតឧបាយ ទាស់នឹងរាស្ត្រព្រះអង្គហើយ គិតគូរគ្នាទាស់នឹងអស់អ្នក ដែលព្រះអង្គការពារ។
4ពូកគេបាននិយាយថា «មក យើងនាំគ្នាបំផ្លាញជនជាតិនេះចេញ។ នោះគ្មានអ្នកណានឹកចាំ ឈ្មោះអុីស្រាអែលនេះឡើយ»។
5ដ្បិតគេបានរួមសមគំនិតគ្នា គេបានតាំងសញ្ញាទាស់នឹងព្រះអង្គ
6ការនេះក៏រាប់រួមទាំងពួកជនជាតិអេដុម និងជនជាតិអុីស ម៉ាអែល ហើយនិងជនជាតិម៉ូអាប់ និងជនជាតិហាការេន ដែលផ្តុំគ្នាជាមួយ
7ជនជាតិកេបាល ជនជាតិអាំម៉ូន និងជនជាតិ អាម៉ាឡេក ជនជាតិភីលីស្ទីន និងពួកអ្នកទីរ៉ុស។
8ស្រុកអាសស៊ើរក៏បានចូលរួមជាមួយគេដែរ ជនជាតិទាំងនោះចូលដៃជាមួយ គឺជាពួកកូនចៅឡុត។ សម្រាក
9សូមប្រព្រឹត្តចំពោះពួកគេ ដូចព្រះអង្គបានប្រព្រឹត្តចំពោះជនជាតិ ម៉ាឌាន គឺដូចព្រះអង្គប្រព្រឹត្តចំពោះស៊ីសេរ៉ា និងយ៉ាប៊ីន នៅទន្លេគីសុន។
10ពួកគេបានវិនាសទៅនៅអេនដោរ ហើយបានត្រឡប់ដូចជាលាមកនៅដី។
11ធ្វើឲ្យពួកអ្នកមានត្រកូលខ្ពស់របស់គេ បានដូចជាអូរិប និងសៀបសូមឲ្យពួកអ្នកធំរបស់គេទាំងអស់ បានដូចជាសេបា និងសាលមូណា។
12ពួកគេបាននិយាាថា «ចូរយើងនាំគ្នាចាប់យកវាលស្មៅរបស់ព្រះជាម្ចាស់ ទុកជារបស់យើង»។
13ព្រះជាម្ចាស់នៃទូលបង្គំអើយ! សូមធ្វើឲ្យគេបានដូចជាធូលីដី ដូចជាចំបើងដែលត្រូវខ្យល់ផាត់យកទៅ។
14ដូចភ្លើងដែលឆេះព្រៃ ឬអណ្ដាតភ្លើងដែលឆាបឆេះភ្នំយ៉ាងណា។
15សូមដេញតាមគេដោយខ្យល់គំហុក របស់ព្រះអង្គ ហើយធ្វើឲ្យគេញ័ររន្ធត់ ដោយព្យុះសង្ឃរារបស់ព្រះអង្គយ៉ាងនោះផង។
16ព្រះអម្ចាស់អើយ! សូមគ្របមុខគេដោយសេចក្ដីអៀនខ្មាស ដើម្បីឲ្យគេស្វែងរកព្រះនាមព្រះអង្គ។
17សូមឲ្យគេត្រូវខ្មាស ហើយភ័យស្លុតរហូតទៅ សូមឲ្យគេវិនាសទៅទាំងអាប់យស។
18ដើម្បីឲ្យគេបានដឹងថា មានតែព្រះអង្គប៉ុណ្ណោះ ដែលមានព្រះនាមព្រះអម្ចាស់ ជាព្រះដ៏ខ្ពស់បំផុតលើផែនដីទាំងមូល។