1សូមទតមើល៍! ព្រះដែលជាគង្វាលអុីស្រាអែល ជាព្រះជាម្ចាស់ដែលនាំមុខពួកយ៉ូសែប ដូចជា នាំហ្វូងចៀម ព្រះដែលគង់នៅកណ្ដាលចេរូប៊ីមអើយ សូមភ្លឺមកលើយើង!
2សូមបណ្ដាលឥទ្ធិឫទ្ធិរបស់ព្រះ អង្គឡើង នៅចំពោះពួកអេប្រាអិម បេនយ៉ាមីន និងម៉ាណាសេ ហើយយាងមកសង្គ្រោះយើងខ្ញុំផង។
3ព្រះជាម្ចាស់អើយ សូមសាងយើងខ្ញុំមកវិញ សូមឲ្យព្រះភ័ក្ត្រនៃព្រះអង្គភ្លឺមកលើយើងខ្ញុំហើយយើងនឹងបានរួចជីវិត។
4ព្រះអម្ចាស់ ជាព្រះនៃពិភពទាំងមូលអើយ តើព្រះអង្គខ្ញាល់នឹងរាស្ត្រព្រះអង្គ ក្នុងការពួកគេអធិស្ឋានរកព្រះអង្គ ដល់ពេល ណាទៀត?
5ព្រះអង្គបានប្រទាននំប៉័ងនៃទឹកភ្នែក ហើយឲ្យគេផឹកទឹកភ្នែកពេញរង្វាល់។
6ព្រះអង្គបានធ្វើឲ្យយើងខ្ញុំទៅជាដើមហេតុ នៃការទាស់ទែងគ្នា ដល់ពួកអ្នកជិតខាងយើងខ្ញុំ ហើយខ្មាំងសត្រូវរបស់យើងខ្ញុំ ពួកគេនាំគ្នាសើចចំអក។
7ព្រះជាម្ចាស់នៃពិភពទាំងមូល សូមស្អាងយើងឡើងវិញ សូមឲ្យព្រះភក្ត្រព្រះអង្គភ្លឺមកយើង នោះយើងខ្ញុំនឹងបានសង្រ្គោះ។
8ព្រះអង្គបានយកដើមទំពាំងបាយជូរមួយ ពីទឹកដីអេស៊ីបមក ព្រះអង្គបានបណ្តេញជនជាតិនានាចេញ ហើយបានដាំដើមទំពាំងបាយជូរនោះមក។
9ព្រះអង្គបានសម្អាតដីនោះយ៉ាងស្អាត ដើមទំពាំងបាយជូរក៏ចាក់ឫស ហើយដុះពាសពេញក្នុងស្រុក។
10ម្លប់ដើមទំពាំងបាយជូរ បានគ្របដណ្ដប់ទៅលើភ្នំនានា ហើយមែករបស់វាក៏គ្របលើដើមតាត្រៅនៃព្រះជាម្ចាស់។
11ដើមទំពាំងបាយជូរនោះបែកមែក រហូតទៅដល់សមុទ្រ ហើយពន្លករបស់វារហូតទៅដល់ទន្លេអឺប្រាត។
12ហេតុអ្វីបានជាព្រះអង្គ រំលំរបងចម្ការទំពាំងបាយជូរ ធ្វើឲ្យអស់អ្នកដែលដើរតាមនោះបេះផ្លែវា។
13ជ្រូកចេញពីព្រៃមកឈ្មុសបំផ្លាញ ហើយអស់ទាំងសត្វនៅទីវាល ក៏ស៊ីវាចម្អែតពោះដែរ។
14សូមព្រះអង្គបែរមកវិញ ព្រះជាម្ចាស់នៃពិភពទាំងមូលអើយ! ហើយទតមើលពីលើស្ថានសួគ៌មក សូមប្រោសប្រណីដើមទំពាំងបាយជូរនេះផង។
15គឺជាដើមដែលព្រះ ហស្តស្តាំរបស់ព្រះអង្គបានដាំ ជាពន្លកដែលព្រះអង្គធ្វើឲ្យលូតលាស់ឡើង។
16ត្រូវបានយកភ្លើង ដុតនឹងកាត់ចោល សូមឲ្យគេវិនាសដោយការនៃការបន្ទោសរបស់ព្រះអង្គផង។
17សូមឲ្យព្រះហស្តព្រះអង្គស្ថិតនៅលើ មនុស្សដែលនៅខាងស្ដាំព្រះហស្តព្រះអង្គ គឺកូនមនុស្សដែលព្រះអង្គបានធ្វើឲ្យមានកម្លាំងសម្រាប់អង្គ។
18ក្រោយមក យើងខ្ញុំនឹងមិនបែរចេញ ពីព្រះអង្គឡើយ សូមបង្ហាញដល់យើង នោះយើងខ្ញុំនឹងស្រែករកព្រះនាមរបស់ព្រះអង្គ។
19ព្រះអម្ចាស់ ជាព្រះជាម្ចាស់នៃពិភពទាំងមូលអើយ សូមសាងយើងមកវិញ សូមឲ្យព្រះភក្ត្រព្រះអង្គភ្លឺមកលើយើង នោះយើងនឹងបានសង្គ្រោះ។