1ព្រះអម្ចាស់គឺជាគង្វាលខ្ញុំ នោះខ្ញុំនឹងមិនខ្វះអ្វីសោះ។
2ព្រះជាម្ចាស់ឲ្យខ្ញុំដេកសម្រាកនៅលើវាលស្មៅខៀវខ្ចី ព្រះអង្គនាំខ្ញុំទៅក្បែរមាត់ទឹកដែលហូរគ្រឿនៗ។
3ព្រះអង្គប្រទានជីវិតដល់ខ្ញុំឡើងវិញ ព្រះអង្គនាំខ្ញុំដើរក្នុងផ្លូវដ៏ត្រឹមត្រូវដោយយល់ដល់ព្រះកិត្តិនាមរបស់ព្រះអង្គ។
4ទោះបីជាទូលបង្គំដើរកាត់ជ្រលងភ្នំ នៃសេចក្ដីងងឹត ក៏ដោយ ក៏ទូលបង្គំមិនខ្លាចអ្វីសោះឡើយ ដ្បិតព្រះអង្គគង់នៅជាមួយទូលបង្គំព្រះអង្គការពារ និងរក្សាទូលបង្គំជានិច្ច ។
5ព្រះអង្គរៀបតុនៅមុខទូលបង្គំ ហើយនៅចំពោះខ្មាំងសត្រូវរបស់ទូលបង្គំ ព្រះអង្គចាក់ប្រេងលើក្បាលទូលបង្គំ ហើយពែងរបស់ទូលបង្គំដ៏ពេញហូរហៀរ។
6ប្រាកដជាព្រះអង្គប្រណីសន្ដោសទូលបង្គំ ជាមួយសម្ព័ន្ឋមេត្រីដ៏ស្មោះស្ម័គ្រជារៀងរាល់ថ្ងៃ អស់មួយជីវិតរបស់ទូលបង្គំ។ ហើយខ្ញុំនឹងរស់នៅក្នុងព្រះដំណាក់របស់ព្រះអម្ចាស់យូអង្វែងជានិច្ច។