1ខ្ញុំងើបភ្នែកមើលទៅឯរកភ្នំ តើជំនួយរបស់ខ្ញុំមកពីណា?
2ជំនួយរបស់ខ្ញុំមកតែពីព្រះអម្ចាស់ គឺជាព្រះដែលបង្កើតផ្ទៃមេឃ និងផែនដី។
3ព្រះអង្គនឹងមិនឲ្យជើងអ្នករអិលភ្លាត់ឡើយ ព្រះអង្គដែលថែរក្សាអ្នក ព្រះអង្គនឹងមិនផ្ទំរលីវឡើយ។
4មើល៍ ព្រះអង្គដែលរក្សាអុីស្រាអែល ព្រះអង្គនឹងមិនដែលងោកងុយ ក៏មិនដែលផ្ទំុលក់ឡើយ។
5ព្រះអម្ចាស់ជាព្រះដែលថែរក្សាអ្នក ព្រះអម្ចាស់ជាម្លប់នៅខាងស្តាំអ្នក។
6នៅពេលថ្ងៃ អ្នកនឹងមិនត្រូវព្រះអាទិត្យ ធ្វើទុក្ខឡើយ ហើយនៅពេលយប់ ក៏មិនត្រូវព្រះច័ន្ទធ្វើទុក្ខដែរ។
7ព្រះអម្ចាស់នឹងថែរក្សាអ្នក ឲ្យរួចពីគ្រប់ទាំងសេចក្ដីអាក្រក់ ព្រះអង្គនឹងថែរក្សាជីវិតរបស់អ្នក។
8ដំណើរដែលអ្នកចេញចូលទៅមក នោះព្រះអម្ចាស់នឹងថែរក្សា ចាប់តាំងពីឥឡូវនេះ រហូតអស់កល្បតទៅ។