1សូមព្រះអម្ចាស់ជួយដល់ស្តេច នៅថ្ងៃមានចលាចល សូមព្រះនាមនៃព្រះជាម្ចាស់នៃលោកយ៉ាកុប ការពារព្រះករុណា
2ហើយប្រទានជំនួយពីទីដែលបរិសុទ្ធ ជាជំនួយដល់ព្រះករុណាដែរពីក្រុងស៊ីយ៉ូនមក។
3សូមឲ្យព្រះអង្គនឹកឃើញតង្វាយ ទាំងប៉ុន្មានរបស់ព្រះរាជា ហើយសូមឲ្យព្រះអង្គគាប់ព្រះហឫទ័យ នឹងយញ្ញបូជាដែលស្ដេចបានថ្វាយ។ សម្រាក
4សូមព្រះអង្គប្រទាននូវអ្វីៗមកព្រះរាជា តាមតែព្រះករុណាប្រាថ្នា និងធ្វើឲ្យផែនការរបស់ព្រះរាជាបានសម្រេចដែរ។
5នោះពួកយើងនឹងបានស្រែកហ៊ោដោយអំណរ នឹងជ័យជម្នះរបស់ព្រះករុណា នៅក្នុងព្រះនាមនៃព្រះជាម្ចាស់របស់យើងហើយលើកទង់ជ័យឡើង។ សូមព្រះអម្ចាស់ សម្រេចតាម អស់ទាំងសំណូមរបស់ព្រះករុណាផង។
6ឥឡូវនេះ ខ្ញុំដឹងហើយថា ព្រះអម្ចាស់នឹង ចាក់ប្រេងតាំងដល់អ្នកដែលព្រះអង្គបានសង្រោះ ព្រះអង្គនឹងឆ្លើយមកព្រះករុណាពីស្ថានសួគ៌ ដ៏បរិសុទ្ធរបស់ព្រះអង្គ ដោយឫទ្ធានុភាពនៃព្រះហស្តស្តាំដែលនឹងជួយព្រះករុណាផង។
7អ្នកខ្លះពឹងផ្អែកលើរទេះចម្បាំង អ្នកខ្លះទៀតពឹងផ្អែកលើទ័ពសេះរបស់ខ្លួន ប៉ុន្តែ យើងទុកចិត្តលើព្រះនាមព្រះអម្ចាស់ គឺជាព្រះអម្ចាស់របស់យើង។
8អ្នកទាំងនោះនឹងត្រូវបរាជ័យ ប៉ុន្តែយើងវិញ យើងនឹងឈរយ៉ាងរឹងប៉ឹងមាំមួន!
9ព្រះអម្ចាស់អើយ សូមសង្គ្រោះព្រះរាជាផង! សូមជួយដល់យើងនៅពេលយើងទូលរកព្រះអង្គ។